بوعايسي باب المستقبل

هذه القصيدة كتبتها في مدح ثانويتي

التي يعني ليس كل ما فيها يستحق المدح

و لكنني لم استطع ان افرق

فمدحت من احبهم و من اكرههم و من لا اعرفهم

المهم اريد رايكم فيها

لانني ساضعهافي مجلة الثانوية

هي شعر شعبي

مع انني لست متعودة على كتابة الفولكلور

ارجو ان تنال اعجابكم

بوعايسي باب المستقبل







دخلت بوعايسي للعام الثالث


و قلبي من الباك خايف


لقيت كالعادة قدامي الاستاذة باشودان


ونظرتها كلهاشجاعة و اصرار


طالبتنا بالرتبة الاولى كيما كل عام


و وعدتنا بالرعاية و الاهتمام


بقى شعارهاكيما كان


بوعايسي الى الامام


خفت من كلامها و قلبي رجف


قالتلي يا بنتي راني بذلت اقصى المجهودات


باه نوفرلكم احسن الاساتذة و الاستاذات


و حتى المساعدين التربويين و المساعدات


على راحتكم راهم ساهرين


و لخدمتكم راهم واقفين


زدنا للقدام لقينا مديرة الدراسات


بابتسامتها في كل الحالات


طمنتنا مادام عبورة


و قالتلنا راني مرافقتكم قاع اليامات


نبلغكم بكل جديد و نوصللكم كل المنشورات


ليها نهدي احلى التحيات


دخلنا الساحة و كنا حسينا


بلي ولينا طلاب و طالبات


و مابقالناغير اشهر و نتوزعو على
الجامعات


و شفنا بن عبورة الي رافقنا لثلاث سنوات


بتنظيم الصفوف


و زادها اغلى نصائح و ارشادت


و قالتلنا ناصري ارق الانسات


انا مسؤولة الرواق الى فيه قسم ثلاثة
لغات


راكم كامل بنات و انا نلبيلكم قاع
الطلبات


غير تحصلو على الشهادة و برهنو بلي
قادرات


دخلنا للقسم و لحقنا مستشار التوجيه


و بكل احترامقال راكم عند الادارة قسم
المشاغبات


بصح انا نقدملكم طريقة جهنمية لتحسين
المستويات


و نشكر السيد مزاري على هاديك المجهودات


وبلا ما ننسى بن قدة مستشار التحديات


كانيقدملنا قاع التسهيلات


و مادام حاج شريف تبرر الغيابات


و ماتقبلش التجاوزات


راكي مشكورة على قاع التأشيرات


و صالح اخ كريمو مساعد امين


يقوم على اكمل وجه بكل الواجبات


و كنت تلميذة داخلية


و خرجت منها لظروف مستعصية


بصح مانسيتش مادام يعقوبي الي كانتامي
الثانية


و الانسات صبيحي،برونسي و حي الدين


كانوا لينا اعز الاخوات


و خرجت للنظام نصف داخلي


و كان رحماني مسؤول عليا


ليه الشكر و التحية


وبلا ماننسى البشوشة الاسنة سالم عطية


و طبعا ايا جمعاة سامحونا


هذي هي مقولة معامري الي سمعناها لثلاث
سنوات


بصح راه مشكور منا على واش قدم من خدمات


و ماننساش هني حواص الي مع المكتبة


بذلاقصى المجهودات و قدملنا بزاف تسهيلات


ليكتحية باسم الطلا و الطالبات


على كل التضحيات


لالا مانسيتكمش يا اساتذة اللغات


وكيفاش ننسى باقة من الورود و الوردات


كنتم لينا اقوى سند


و ذللتولنا كامل الصعوبات


كنا في الفصل الاول اسوء الطالبات


و بفظلكم زدنا للقدام بدل الخطوة خطوات


شكون الي يجمع في البسمة و الاجتهاد


من غير اومعمر الي نوضنامن السبات


و بفضلو ولات الاسبانية في عامين اسهل
اللغات


و انت يا بلجوهري الاستاذ المثالي


مابقيتش غير استاذ الادب


ولا مكانك في القلب اب عزيز و غالي


و بوخيار من كثرة الخرائط و التعليمات


سهر على جالنا الليالي


انت مشكور يا استاذنا المتفاني


و بلا ماننسى الفرنسية الى كانت


تحلى في عيونا يوم بعد يوم


بفضل الغالية مختاري


و مع رزيم ارتقينا سلم النجاح


وبفضل الانجليزية وصلنا للاعالي


و بهلول بذل معانابزاف مجهودات


و دار المستحيل حتى قدر يفهم الرياضيات
للادبيات


ومصطفى شبرة بعون الله و عونها


في عام حللتلنا اصعب المقالات


و حفظنا اشهر الفلاسفة


و بزاف مقولات


و لعجيلي نهدي احلى تحية


بعدنا على الربا في درس من دروس العلوم
شرعية


و فهمنا اصول الوصية


و زادها مجموعة من القيم الاخلاقية


و باكلي استاذ التربية البدنية


قوم اجسامنا بافضل الحركات الرياضية


و هكذا مضى العام


و قربت الباكالوريا


ان شاء الله تتقبلو هاد الكلمات الندية


و نزيدها عبارات تشكرية


لكل عامل في الثانوية

شكرا لك على ردك الرائع استاذ فريد

النجاح مطلب كل شخص

لذلك في الوقت الحالي ساكتفي بقول امين لدعائك الذي دعوته لي

شكرا لك و وفقك الله الى فعل الخير